Bu il ərzində "Caucasus Ventures" Fondu tərəfindən 25 startapa təxminən 1,5 milyon ABŞ dolları məbləğində investisiya yatırılması planlaşdırılır.

"Sizinxeber.az" xəbər verir ki, bunu Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyinin (İRİA) İdarə Heyətinin sədrinin müavini Rəşad Xalıqov "1-ci Milli Maliyyə Əlçatanlığı Forumu"nda bildirib.

Onun sözlərinə görə, Azərbaycanda vençur investisiyaları istiqaməti nisbətən yeni olmasına baxmayaraq, yerli ekosistemin inkişafı üçün bu sahənin əhəmiyyəti durmadan artır: “İnnovasiya ekosistemi bizim yanaşmamızda beş fundamental prinsip üzərində qurulur: infrastruktur, insan kapitalı, maliyyə əlçatanlığı, bazar çıxışı və innovasiya mədəniyyətinin formalaşması. Bütün bu komponentlər sağlam ekosistemin formalaşmasını və mütəşəkkil fəaliyyətini təmin edir".

O vurğulayıb ki, hazırda ölkə üzrə təxminən 230-dan bir az çox startap mövcuddur ki, bunların da yarısı investisiya mərhələsinə çatıb: "Vençur vasitəsilə maliyyə əlçatanlığına gəlincə, innovasiya və rəqəmsallaşma sahəsində ölkə gündəminin dəstəyi ilə formalaşdırılan "Caucasus Venture" Fondunun idarə etdiyi aktivlər hazırda 6,6 milyon ABŞ dolları təşkil edir. 2024-cü il ərzində "Caucasus Ventures" Fondu tərəfindən 25 startapa təxminən 1,5 milyon ABŞ dolları məbləğində investisiya yatırılması planlaşdırılır".

Oxşar xəbərlər

Azərbaycanda kapitalı 4 milyon ABŞ dolları olan vençur fondu yaradılıb

Azərbaycan startaplarının cəlb etdiyi investisiyaların məbləği açıqlanıb

İRİA: İdarə olunan aktivlərin məbləği 15 milyon dollara çatdırılacaq

İnnovasiya və Rəqəmsal İnkişaf Agentliyi zərərini 65 % artırıb

Nazir müavini: Azərbaycan startapları 2,2 milyon dollar investisiya cəlb edib