31 dekabr 2024-cü il tarixinə İpoteka və Kredit Zəmanət Fondunun (İKZF) təqdim etdiyi zəmanət hesabına müvəkkil banklar tərəfindən sahibkarlara 549,5 milyon manat məbləğində kreditlərin verilib.

Bu barədə "APA-Economics"ə Fonddan bildirilib. Qeyd edilib ki, ötən il ərzində müvəkkil banklar tərəfindən 118,6 milyon manat həcmində kredit verilib.

Sahibkarların maliyyə resurslarına çıxış imkanlarının artırılması və ödəniş yükünün azaldılması məqsədilə dövlət büdcəsindən ayrılmış vəsaitlər hesabına Fond tərəfindən 2018-2024-cü illərdə sahibkarlıq kreditlərinə hesablanmış faizlərə görə 47,4 milyon manat məbləğində subsidiya verilib.

Zəmanət verilmiş kreditlər üzrə banklar tərəfindən müəyyənləşən orta faiz dərəcəsi 14.4% olduğu halda, subsidiya hesabına borcalanlar tərəfindən 6.2% həcmində faiz ödənilib.

Zəmanət verilmiş kreditlər əsasən iqtisadiyyatın turizm və ictimai iaşə, ticarət, tikinti və kənd təsərrüfatı, sənayə sektorlarına, eləcə də sənaye məhsullarının istehsalı və emalı, qida sənayesi məhsullarının, habelə maşın və avadanlığın istehsalına yönəldilib.

Verilən kreditlər hesabına maliyyələşən biznes layihələri çərçivəsində 6,5 mindən çox yeni iş yerinin açılması nəzərdə tutulub.

Qeyd edək ki, Azərbaycan Respublikası Prezidentinin 2017-ci il 29 noyabr tarixli 1691 nömrəli Fərmanına ilə ölkədə ilk dəfə olaraq sahibkarların müvəkkil banklardan manatla aldıqları kreditlərə zəmanətin və bu kreditlər üzrə hesablanmış faizlərə görə subsidiyanın verilməsinə başlanılıb. Fərmana əsasən, kredit-zəmanət mexanizminin formalaşdırılması və inkişaf etdirilməsi İKZF qarşısında prioritet vəzifə kimi müəyyən edilib.

Oxşar xəbərlər

Azərbaycan sahibkarları dövlət zəmanəti ilə 550 milyon manata yaxın güzəştli kredit alıb [xfgiven_updateblue][/xfgiven_updateblue]

2024-cü ildə 4685 ailə ipoteka krediti vasitəsilə mənzil sahibi olub [xfgiven_updateblue][/xfgiven_updateblue]

İKZF-nin zəmanəti ilə sahibkarlara verilən kreditlərin həcmi 511 mln. manata çatıb [xfgiven_updateblue][/xfgiven_updateblue]

İndiyədək sahibkarlara güzəştli şərtlərlə 500 mln. manatdan artıq kredit verilib [xfgiven_updateblue][/xfgiven_updateblue]

İlin əvvəlindən İKZF-nin vəsaiti hesabına 365 mln. manatdan çox ipoteka krediti verilib [xfgiven_updateblue][/xfgiven_updateblue]