Sanksiyalar çərçivəsində İsveçrə hökuməti tərəfindən dondurulan Rusiya ilə bağlı aktivlərin dəyəri aprel ayından bəri 1.3 milyard frank (1,5 milyard ABŞ dolları) artıb.

“Sizinxeber.az” xəbər verir ki, bu barədə İsveçrənin İqtisadi Məsələlər üzrə Dövlət Katibliyinin (SECO) bəyanatında deyilir.

“13 avqust 2024-cü il tarixinə İsveçrədə 7,1 milyard frank dəyərində maliyyə aktivləri, 17 daşınmaz əmlak, o cümlədən idman və lüks avtomobillər, sənət əsərləri, fiziki şəxslərə, şirkətlərə və təşkilatlara məxsus maliyyə aktivləri dondurulub”, - sənəddə bildirilib.

Qeyd olunub ki, bəzi hallarda aktivlər ehtiyat tədbiri kimi bloklanır və vəziyyət aydınlaşdırıldıqdan sonra məhdudiyyətlər aradan qaldırıla bilər.

SECO-nun məlumatına görə, aprel ayında İsveçrədə dondurulmuş Rusiya aktivlərinin dəyəri, 5,8 milyard frank (təqribən 6,7 milyard ABŞ dolları) təşkil edib.

Oxşar xəbərlər

Neft qiymətlərinin ARDNF-nin aktivlərinə təsiri açıqlanıb

Rusiyalı milyarderlərin sərvəti 2023-cü ildə 50 milyard ABŞ dolları artıb

Azərbaycan bu il Türkiyədən 695 milyon ABŞ dollarlıq mal alıb

Neft qiymətlərinin Azərbaycanın icmal büdcəsinin gəlirlərinə təsiri açıqlanıb - 4 SSENARİ

Azərbaycanın bank sektorunun aktivləri 2 % artıb