Bu ilin yanvar-iyul aylarında Naxçıvan Muxtar Respublikasında ümumi daxili məhsul istehsalı 818 milyon 604 min 700 manat olub.

Bu barədə “Sizinxeber.az”un yerli bürosuna Naxçıvan Dövlət Statistika Komitəsindən məlumat verilib.

Bildirilib ki, bu, 2023-cü ilin müvafiq dövründəki göstəricidən 0,6 % çoxdur.

Bu dövr ərzində əhalinin hər nəfərinə düşən ümumi daxili məhsul istehsalı 0,1 % artaraq 1 744,7 manat olub.

Həmçinin 2024-cü ilin yanvar-iyul aylarında muxtar respublikada 295 milyon 313 min 700 manatlıq sənaye məhsulu istehsal edilib ki, bu da 2023-cü ilin müvafiq dövründəki göstəricini 2,3 % üstələyib. Sənaye məhsulunun 264 milyon 224 min manatı və ya 89,5 %-i malların, 31 milyon 89 min 700 manatı və ya 10,5 %-i isə xidmətlərin payına düşüb.

Oxşar xəbərlər

Naxçıvan iqtisadiyyatına investisiya qoyuluşu 20 % azalıb

Bakıda I yarımildə 26 milyard manatlıq sənaye məhsulu istehsal olunub