2025-ci ildə Azərbaycan bankları səhmdarlarına təxminən 480 milyon manat dividend ödəyib.

“Sizinxeber.az-Economics” xəbər verir ki, bunu Azərbaycan Mərkəzi Bankının (AMB) Maliyyə Sabitliyi departamentinin direktoru Ataxan Həsənov bildirib.

Onun sözlərinə görə, bu, 2024-cü illə müqayisədə təxminən 20 % azdır.

AMB rəsmisi xatırladıb ki, ötən il bank sektoru 1,2 milyard manata yaxın xalis mənfəət əldə edib, sektorun ROA əmsalı (aktivlərin gəlirliliyi) 2,1 %, ROE əmsalı (kapitalın gəlirliliyi) isə 18,2 % təşkil edib.

Həmçinin qeyd edilib ki, sığorta sektoru üzrə əldə edilən mənfəətin həcmi 166 milyon manat olub. Sığorta şirkətlərinin səhmdarına ödənilən dividendin həcmi isə 133 milyon manat təşkil edib.

Oxşar xəbərlər

Azərbaycan bankları dividend ödənişini 20 % azaldıb

Mərkəzi Bank: Azərbaycan maliyyə sektoru bank əsaslı olaraq qalır

“Bank VTB Azərbaycan”ın mənfəəti 2,5 mln. manat azalıb - Hesabat

Azərbaycanda bankların xalis mənfəəti III rübdə 854 mln. manata çatıb

Azərbaycan 15 sığortaçısının məcmu xalis mənfəəti 6 % azalıb