Azərbaycan Mərkəzi Bankı (AMB) valyuta mübadiləsi məntəqəsi - “Meta-Kapital” MMC-nin lisenziyanın qüvvəsini 1 ay müddətinə dayandırıb.

Bu barədə “Sizinxeber.az-Economics”ə AMB-dən bildirilib.

Məlumata görə, AMB tərəfindən “Meta-Kapital” MMC-də aparılan cari nəzarət prosesləri çərçivəsində verilmiş icrası məcburi göstərişə əməl edilmədiyi, “Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası”nın 3.7-ci, 4.10-cu, 5.2-ci, 6.6-cı və 6.7-ci bəndlərinin tələblərinin pozulması, 3.6-cı, 4.7-ci və 6.5-ci bəndlərinin tələblərinin pozulmasının təkrar baş verməsi halları müəyyən edilib. Aşkar olunmuş pozuntu hallarının aradan qaldırılması və fəaliyyətin müvafiq qanunvericilik aktlarının tələblərinə uyğunlaşdırılması məqsədi ilə “Valyuta tənzimi haqqında” Azərbaycan Respublikası Qanununun 13-7.1.2-ci və 13-7.2-ci maddələrinə uyğun olaraq Mərkəzi Bankın qərarı ilə valyuta mübadiləsi əməliyyatlarının aparılması üçün “Meta-Kapital” MMC-yə verilmiş 13.05.2022-ci il tarixli, VMF-05 nömrəli lisenziyanın qüvvəsi 18.08.2025-ci il tarixindən 1 (bir) ay müddətinə dayandırılıb.

Oxşar xəbərlər

“Meta-Kapital”ın lisenziyasının qüvvəsi bir aylıq dayandırılıb

Mərkəzi Bank iki valyuta mübadiləsi məntəqəsinə icrası məcburi göstəriş verib

Azərbaycanda iki valyuta mübadilə məntəqəsinin vəzifəli şəxsləri cərimələnib

Mərkəzi Bank 2 valyuta mübadilə məntəqəsinin vəzifəli şəxslərini cərimələyib

AMB valyuta mübadiləsi xidməti göstərən iki şirkətə icrası məcburi göstəriş verib