Azərbaycan Mərkəzi Bankı (AMB) valyuta mübadiləsi üçün “Meta-Kapital” MMC-yə verdiyi lisenziyanın qüvvəsini 1 ay müddətinə dayandırıb.

"Report" bu barədə AMB-yə istinadən xəbər verir.

Məlumata görə, şirkətdə aparılan cari nəzarət prosesləri çərçivəsində verilmiş icrası məcburi göstərişə əməl edilmədiyi, “Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası”nın 3.7-ci, 4.10-cu, 5.2-ci, 6.6-cı və 6.7-ci bəndlərinin tələblərinin pozulduğu, 3.6-cı, 4.7-ci və 6.5-ci bəndlərinin tələblərinin pozulmasının təkrar baş verməsi halları müəyyən edilib. Aşkar olunmuş pozuntu hallarının aradan qaldırılması və fəaliyyətin müvafiq qanunvericilik aktlarının tələblərinə uyğunlaşdırılması məqsədi ilə “Valyuta tənzimi haqqında” qanunun 13-7.1.2-ci və 13-7.2-ci maddələrinə uyğun olaraq lisenziyanın qüvvəsi müvəqqəti dayandırılıb.

Oxşar xəbərlər

Azərbaycanda iki valyuta mübadilə məntəqəsinin vəzifəli şəxsləri cərimələnib

AMB valyuta mübadiləsi xidməti göstərən iki şirkətə icrası məcburi göstəriş verib

AMB Bakıda daha bir valyuta mübadiləsi məntəqəsinə lisenziya verib

Mərkəzi Bank iki valyuta mübadiləsi məntəqəsinə icrası məcburi göstəriş verib

Azərbaycandakı valyuta mübadiləsi məntəqələrinə 6 ay vaxt verilib