Süni intellekt və iqlim dəyişiklikləri hazırkı dövrdə ali audit orqanlarının qarşısında duran əsas çağırışlardır.

"Sizinxeber.az-Economics" xəbər verir ki, bunu Azərbaycan Respublikası Hesablama Palatasının sədri Vüqar Gülməmmədov Bakıda keçirilən ASOSAI və ARABOSAI təşkilatlarının birgə toplantısında çıxışında deyib.

Onun sözlərinə görə, bu çağırışlar həm texnoloji transformasiya, həm də sosial-iqtisadi sabitlik baxımından ali audit orqanlarının funksiyalarına birbaşa təsir göstərir.

“Süni intellektin audit proseslərinə inteqrasiyası istər böyük verilənlərin təhlili, istərsə də qabaqlayıcı nəzarət sistemlərinin qurulması baxımından auditin effektivliyini xeyli artıracaq. Bu texnologiyaların yalnız özəl sektor üçün deyil, dövlət idarəçiliyi və ictimai xidmətlər sahəsində də ciddi dəyişikliklərə yol açdığı artıq bəllidir”, – deyə Vüqar Gülməmmədov bildirib.

O, iqlim dəyişikliyi ilə bağlı risklərin isə yalnız ekoloji deyil, sosial və iqtisadi sabitliyə təsir göstərdiyini vurğulayıb. Bu səbəbdən iqlimə dair qlobal tədbirlərin icrası və nəzarəti sahəsində ali audit qurumlarının iştirakı mühüm əhəmiyyət kəsb edir. Gülməmmədov bildirib ki, Azərbaycanın COP29-a ev sahibliyi etməsi ölkənin bu sahədə beynəlxalq təşəbbüslərə fəal dəstəyinin göstəricisidir.

Oxşar xəbərlər

Vüqar Gülməmmədov: "Dövlət maliyyə intizamının gücləndirilməsi vacibdir"

Vüqar Gülməmmədov: Azərbaycan və Qazaxıstan paralel audit üzrə razılıq əldə edib

Bakıda ASOSAI və ARABOSAI yüksək səviyyəli toplantıları keçirilir - FOTO

Qətər Ali Audit Bürosunun rəhbəri: Azərbaycanla süni intellekt və ekoloji audit sahəsində əməkdaşlıq genişlənir

Archana Shirsat: Süni intellekt və iqlim dəyişikliyi auditi sahəsində yeni qlobal təşəbbüslər üzərində işləyirik