"Bakı Metropoliteni" QSC sədrinə yeni müşavir təyin edilib.

Bu barədə “Report” "Bakı Metropoliteni"nə istinadən xəbər verir.

Məlumata görə, bu vəzifə İnarə Vəliyevaya həvalə edilib.

İnarə Vəliyeva 1986-cı ildə anadan olub. 2003-2007-ci illərdə Azərbaycan Dövlət Neft və Sənaye Universitetinin Mühəndis iqtisadiyyatı və idarəetmə fakültəsində bakalavr, 2007-2010-cu illərdə isə Azərbaycan Dövlət İqtisad Universitetində magistr təhsili alıb.

2007-2014-cü illərdə “Procter&Gamble” şirkətində marketinq və brend menecmentliyi sahələrində regional rəhbər vəzifələrində, 2015-2021-ci illərdə “Dərs evi" tədris mərkəzinin direktor müavini vəzifəsində çalışıb.

2014-cü ildən fərqli sektorlarda marketinq, brend menecmentliyi, kommersiya sahələrində konsultasiya xidmətləri göstərib.

2021-ci ildən Rəqəmsal İnkişaf və Nəqliyyat Nazirliyinin tabeliyində müxtəlif qurumlarda rəhbər vəzifələrdə çalışıb. Məlumat Hesablama Mərkəzi, “Azintelecom”da sədr müavini, İnnovasiya və Rəqəmsal İnkişaf Agentliyinin sədri vəzifələrində çalışıb.

Oxşar xəbərlər

"Bakı Metropoliteni" sədrinə müşavir təyin edilib

“Bakı Metropoliteni”nin kommunikasiya departamentinə yeni rəis təyin olunub

Zaur Hüseynov “Bakı Metropoliteni” QSC-nin sədri vəzifəsindən azad edilib, yeni təyinat olub

Yeni səfir təyin olunan Arif Məmmədov - DOSYE

Ədliyyə nazirinə yeni müavinlər təyin olunub