“Azərbaycan Xəzər Dəniz Gəmiçiliyi” QSC-nin (ASCO) “Zığ” Gəmi Təmiri və Tikintisi Zavodunda (ZGTTZ) inşa olunan növbəti gəmi istismara verilib.

"Report" ASCO-ya istinadən xəbər verir ki, “Azıx” adlandırılan yedək gəmisi Xəzər Dəniz Neft Donanmasının balansına qəbul edilib.

Gəminin uzunluğu 24,72, eni 6,60, bortunun hündürlüyü 3, suya oturumu 1,6 metr, dedveyti 14 tondur.

7 nəfərlik heyətlə idarə olunan gəminin sürəti 9 uzel təşkil edir. Yedək gəmisi göyərtəsinə 3 tonadək yük qəbul etmək imkanına malikdir.

“Azıx” Zavodda inşa edilən sayca beşinci gəmidir. Bundan öncə “ASCO 1” “Tərtərçay”, "Həkəriçay" və “Bərgüşadçay” adlı eyni tipli gəmilər tikilərək təhvil verilib. Hazırda bu seriyadan olan daha bir ədəd gəminin inşası davam edir. Həmin gəmilərin mərhələli şəkildə istismara verilməsi planlaşdırılır.

Beynəlxalq standartların tələblərinə cavab verən sözügedən gəmilərin layihələndirilməsini “ASCO Mühəndislik” MMC-nin əməkdaşları yerinə yetiriblər.

Xatırladaq ki, ZGTTZ-də geniş həcmdə peşəkar gəmi təmiri və dəniz mühəndislik xidmətləri ilə yanaşı, müvafiq sertifikatlaşma əsasında 2017-ci ildən gəmilərin tikintisi də həyata keçirilir.

Oxşar xəbərlər

ASCO: “Murovdağ” yük gəmisinin ilk səfəri Kolumbiyaya olacaq

ASCO-da 5 ildə 6 yeni gəmi istismara qəbul edilib

ASCO: Bakı Gəmiqayırma Zavoduna 11 gəminin tikintisi sifariş verilib - EKSKLÜZİV

Prezident İlham Əliyev “Zəngilan” tankerinin istismara verilməsi mərasimində iştirak edib

ASCO “Qarabağ” gəmisini rebredinq edib