Gələcəyin şəhərlərinin dayanıqlı inkişafı üçün su ehtiyatlarının düzgün idarə edilməsi zəruridir.

"Sizinxeber.az" xəbər verir ki, bunu Qlobal Cənub QHT Platformasının Baş katibi Fuad Kərimli WUF13 çərçivəsində təşkil edilən Qlobal Cənub QHT Platformasının pavilyonunda jurnalistlərə açıqlamasında deyib.

Onun sözlərinə görə, panel müzakirələrində Pakistan, Livan, Nigeriya və Oman nümayəndələri iştirak ediblər:

"Tədbirdə Qlobal Cənub QHT Platformasının panelistləri iştirak ediblər. Çıxışlar zamanı su resurslarının qeyri-effektiv idarə olunmasının qadınlara və gənclərə təsiri barədə fikir mübadiləsi aparılıb. Panel iştirakçıları gələcəyin şəhərlərinin hansı prinsiplər əsasında qurulmalı olduğunu da diqqətə çatdırıblar. Həmçinin şəhərlərin düzgün qurulmamasının qadın və uşaqlara təsirindən danışıblar".

F.Kərimli bildirib ki, çıxışçılar azad edilmiş ərazilərə səfər çərçivəsində Zəngilan rayonunun Ağalı "Ağıllı kənd" layihəsi ilə yaxından tanış olublar:

"Qonaqlar orada gələcəyin şəhər və kənd modellərinin necə qurulmalı olduğuna dair müşahidələrini bölüşüblər. Panel iştirakçıları Azərbaycanın həyata keçirdiyi bu cür innovativ layihələri yüksək qiymətləndirərək Prezident İlham Əliyevə təşəkkür ediblər. Həmçinin vurğulanıb ki, "Ağıllı şəhəır" istiqamətində fəaliyyət göstərən qeyri-hökumət təşkilatları və onların tərəfdaşları bu təcrübələri öz ölkələrində tətbiq etməyə çalışacaqlar".

Oxşar xəbərlər

Qlobal Cənub QHT Platformasının pavilyonu su ehtiyatlarının düzgün idarə olunmamasına həsr olunub

Fuad Kərimli: Əsas məqsədimiz Qlobal Cənubun səsini dünyaya çatdırmaqdır

Qlobal Cənub QHT Platformasına rəhbərlik Azərbaycana verilib

Qlobal Cənub QHT Platformasına rəhbərlik Azərbaycana verilib

Bakıda Qlobal Cənub QHT-lərinin Baş Assambleyasının yekun bəyannaməsi qəbul edilib