Bu gün Energetika Nazirliyinin tabeliyindəki Enerji Məsələlərini Tənzimləmə Agentliyi (EMTA) və Moldovanın Milli Enerji Tənzimləmə Qurumu (ANRE) arasında enerji tənzimlənməsi sahəsində əməkdaşlığa dair anlaşma memorandumu imzalanıb.

“Report” EMTA-ya istinadən xəbər verir ki, memorandum ANRE-nin baş direktoru Aleksey Taranın rəhbərlik etdiyi nümayəndə heyətinin Azərbaycana səfəri çərçivəsində imzalanıb.

Sənədi EMTA-nın İdarə Heyətinin sədri Samir Axundov və ANRE-nin baş direktoru Aleksey Taran imzalayıblar.

Anlaşma memorandumu ikitərəfli və regional enerji bazarının tənzimlənməsi məsələləri üzrə birbaşa dialoq qurmaq və inkişaf etdirmək, regional enerji bazarına təsir edən təcili və ya fövqəladə hallar zamanı səmərəli məlumat mübadiləsini təmin etmək, eləcə də tənzimləyici islahatların hazırlanması və həyata keçirilməsində təcrübə mübadiləsi aparmaq üçün müxtəlif tədbirlər təşkil etməklə əməkdaşlığı möhkəmləndirmək məqsədini daşıyır.

Qeyd edək ki, səfər çərçivəsində tərəflər arasında qaz bazarının monitorinqinin cari problemləri və həlli yolları, eləcə də bərpa olunan mənbələrin şəbəkəyə inteqrasiyası və payının artırılması, həmçinin enerji dayanıqlığını gücləndirmək üçün tədbirlər ilə bağlı müzakirələr aparılıb.

Oxşar xəbərlər

Azərbaycan və Rumıniyanın enerji tənzimləmə qurumları memorandum imzalayıb

Azərbaycan və Moldova bərpa olunan enerji sahəsində əməkdaşlıq edəcək

EMTA və MEDİA-nın birgə əməkdaşlığı ilə jurnalistlər üçün seminar keçirilib

Azərbaycan və Braziliya Anlaşma Memorandumu imzalayıb

“Qazprom” və Macarıstan arasında qaz tədarükünün artırılması imkanlarına dair memorandum imzalanıb