IEA: Azərbaycan apreldə “OPEC+” kvotasından gündəlik 70 min barel geri qalıb

Bu ilin aprel ayında Azərbaycanda gündəlik neft hasilatı 0,49 min barel təşkil edib.

"Sizinxeber.az" bu barədə Beynəlxalq Enerji Agentliyinin (IEA) aylıq hesabatına istinadən xəbər verir.

Bu ilin mart ayında bu göstərici 0,48 milyon barel səviyyəsində olub.

IEA analitiklərinin hesablamalarına görə, apreldə Azərbaycanda gündəlik neft hasilatı “OPEC+” sazişi çərçivəsində plandan sutkada 0,07 milyon barel geri qalıb.

Daha əvvəl OPEC-in aylıq hesabatında Azərbaycanın gündəlik 0,468 milyon barel neft hasil etdiyi və kvotadan 0,083 milyon barel geri qaldığı bildirilib.

Xatırladaq ki, “OPEC+” ölkələri nazirlərinin 37-ci iclasında əldə edilmiş razılaşmaya əsasən, 2025-ci il üçün Azərbaycanın hasilat kvotası gündəlik 0,551 milyon barel təşkil edir.