Bu gün energetika naziri Pərviz Şahbazov nazirlikdə vətəndaşları qəbul edib.

“Sizinxeber.az” Energetika Nazirliyinə istinadən xəbər verir ki, aidiyyəti struktur bölmə rəhbərlərinin iştirakı ilə təşkil edilmiş qəbulda Bakı şəhəri, Biləsuvar və Kürdəmir rayonlarından olan vətəndaşların elektrik dirəklərinin istismar vəziyyəti, enerji verilişində fasilələr, enerjidən istifadəyə görə borcun yaranması, tikintiyə icazə rəyi, işlə təminat və digər məzmunlu müraciətləri dinlənilib, qaldırılan məsələlərin qanunvericiliyin tələblərinə uyğun həlli üçün müvafiq tapşırıqlar verilib.

Qeyd edək ki, Energetika Nazirliyi tərəfindən vətəndaş müraciətlərinə baxılması işinin səmərəli təşkili məqsədilə rəhbər vəzifəli şəxslərin vətəndaş qəbulu qrafiki nazirliyin rəsmi internet saytında yerləşdirilib. Eyni zamanda vətəndaşlar müraciətlərini (012) 974 “Çağrı Mərkəzi”, 598-16-55 “Qaynar Xətt”i, [email protected] elektron poçt ünvanı və www.minenergy.gov.az internet səhifəsi vasitəsilə Nazirliyə ünvanlaya bilərlər.

Oxşar xəbərlər

Pərviz Şahbazov Energetika Nazirliyində vətəndaşları qəbul edib

Energetika naziri Hacıqabulda vətəndaşları qəbul edib

Energetika naziri Saatlıda vətəndaşları qəbul edib

Energetika naziri Tərtərdə vətəndaşları qəbul edib

Pərviz Şahbazov Mingəçevirdə vətəndaşları qəbul edib