"Yaşıl enerji" layihələrini və davamlı inkişafı dəstəkləmək üçün qlobal maliyyələşdirmə axını vacibdir.

"Report" xəbər verir ki, bunu BMT-nin COP29-da iqlim dəyişmələri üzrə yüksək səviyyəli çempionu Nigar Arpadarai "Bakı İqlim Fəaliyyəti Həftəsi"nin 3-cü günündə bildirib.

"Bu cür layihələrin həyata keçirilməsi üçün milyardlarla dollar tələb olunur və hər bir ölkənin, xüsusilə də iqlim dəyişikliyinə həssas olan regionların bu vəsaitlərə çıxışının olması vacibdir. İqlim dəyişikliyi ilə mübarizədə uğurun əsas elementlərindən biri əlçatan maliyyələşdirmə, eləcə də dövlət və özəl sektor arasında əməkdaşlıqdır," - deyə N.Arpadarai qeyd edib.

O, həmçinin vurğulayıb ki, "yaşıl iqtisadiyyat"a keçid təkcə texnoloji dəyişikliklərlə deyil, həm də insan kapitalının inkişafı ilə müşayiət olunmalıdır.

Onun sözlərinə görə, davamlı ekoloji inkişaf və "yaşıl" nəqliyyat üçün zəruri bilik və bacarıqlara malik mütəxəssislər tələb olunur: "Təlim və ixtisasartırmaya sərmayə qoymaq lazımdır. Hökumətlərin və təhsil müəssisələrinin "yaşıl iqtisadiyyat"a keçid şəraitində həm bugünkü, həm də gələcək nəslin ehtiyaclarını ödəyə biləcək kadrların hazırlanmasında əməkdaşlıq etməsi vacibdir. Qlobal cəmiyyətimizin gələcəkdə təkcə yaşamasını deyil, həm də inkişafını təmin etmək üçün bütün dünyada sahibkarları bu istiqamətə yönəltmək vacibdir," - deyə N.Arpadarai bəyan etdi.

Oxşar xəbərlər

Nigar Arpadarai: Bakı İqlim Fəaliyyəti Həftəsi COP29 istiqamətində mühüm addımdır

İqtisadiyyat naziri: "Yaşıl iqtisadiyyat”ın inkişafı zəruri olub"

Nigar Arpadarai: “Azərbaycanın tikinti şirkətləri karbon emissiyalarının azaldılmasına dair öhdəliklər götürüb”

Mikayıl Cabbarov: "Enerji keçidi prosesində mühüm təşəbbüslərimiz var"

Səfir: Azərbaycan iqlim dəyişikliyi ilə mübarizədə beynəlxalq ictimaiyyəti birləşdirmək niyyətindədir