Bu gecə Bakının Nəsimi rayonunun bəzi küçələrində elektrik enerjisinin verilişi dayandırılacaq.

Bu barədə “Report” “Azərişıq” ASC-yə istinadən xəbər verir.

Məlumata görə, paytaxtın Nəsimi rayonunda elektrik şəbəkəsində həyata keçirilən təmir işləri ilə əlaqədar sentyabrın 28-də elektrik xətləri sifarişə əsasən açılacaq.

Bununla əlaqədar olaraq saat 01:00-dan saat 06:00-dək Azadlıq prospekti, Mirəsədulla Mirqasımov, Mirəli Qaşqay, Xan Şuşinski, Möhsün Sənani, Həsən Əliyev, Ceyhun Hacıbəyli, İmran Qasımov küçələrində elektrik enerjisinin verilişində məhdudiyyət yaranacaq.

Təmir işləri yekunlaşdıqdan sonra sözügedən ərazilər elektrik enerjisi ilə tam təmin olunacaq.

Oxşar xəbərlər

Masazır qəsəbəsində işıq olmayacaq

Xaçmazın 9 kəndində elektrik enerjisinin verilməsində məhdudiyyətlər olacaq

Naxçıvan şəhərinin bir hissəsində elektrik enerjisinin verilişi dayandırılacaq