Bu gündən etibarən Azərbaycan Dövlət Neft Şirkətinin (SOCAR) Türkiyədəki aktivi olan STAR Neft Emalı Zavodu (NEZ) təmir-profilaktika işləri və avadanlıqlara texniki qulluq üçün fəaliyyəti müvəqqəti dayandırılır.

“Sizinxeber.az” xəbər verir ki, bu barədə “Petkim”in Türkiyənin Kamu Aydınlatma Platformasında yerləşditrilmiş elanda bildirilib.

“Zavodun fəaliyyəti sentyabrın 5-dən iki aya qədər dayandırılacaq. 2018-ci ildə istismara verildikdən sonra ilk dəfə olaraq zavodda əsaslı təmir işləri aparılacaq”, - məlumatda vurğulanıb.

STAR zavodu 2018-ci il oktyabrın 19-da istifadəyə verilib və “Azeri Light”, “Kerkük” və “Urals” kimi neft növlərinin emalı üçün nəzərdə tutulub. Zavodun gücü 13 milyon ton təşkil edir.

SOCAR zavodun tikintisinə və inkişafına 7 milyard ABŞ dollarına yaxın investisiya yatırıb.

Oxşar xəbərlər

STAR NEZ-in fəaliyyəti təmir-profilaktika işləri ilə bağlı dayandırılacaq

Qanada Afrikanın ən böyük neft emalı kompleksi tikiləcək

Finlandiyada tətil bir neçə böyük zavodun fəaliyyətini dayandıracaq

Qazaxıstan 2026-cı ildə “Kaşaqan” yatağında qaz emalı zavodunu işə salmağı planlaşdırır

Sabah Suraxanı, Binəqdi və Sumqayıtın bir hissəsinin qaz təchizatında müvəqqəti fasilə yaranacaq