Azərbaycan Dövlət Neft Şirkətinin (SOCAR) Türkiyədəki aktivi olan STAR neft emalı zavodunun (NEZ) sentyabrın 5-dən etibarən təmir-profilaktika işləri və avadanlıqlara texniki qulluq üçün fəaliyyəti müvəqqəti dayandırılacaq.

“Sizinxeber.az” xəbər verir ki, bu barədə “Reuters” mənbələrə istinadən məlumat yayıb.

“Zavodun fəaliyyəti sentyabrın 5-dən iki aya qədər dayandırılacaq. 2018-ci ildə istismara verildikdən sonra ilk dəfə olaraq zavodda əsaslı təmir işləri aparılacaq”, - məlumatda vurğulanıb.

STAR neft emalı zavodu 2018-ci il oktyabrın 19-da istifadəyə verilib və “Azeri Light”, “Kerkük” və “Urals” kimi neft növlərinin emalı üçün nəzərdə tutulub. Zavodun gücü 13 milyon tondur.

SOCAR STAR neft emalı zavodunun tikintisinə və inkişafına 7 milyard ABŞ dollarına yaxın investisiya yatırıb.

Oxşar xəbərlər

Qanada Afrikanın ən böyük neft emalı kompleksi tikiləcək

Finlandiyada tətil bir neçə böyük zavodun fəaliyyətini dayandıracaq

Bu gün Binəqədidə qaz təchizatı dayandırılacaq

Rusiyada neft emalı zavodunda güclü partlayış baş verib