Azərbaycanla Latviya arasında iqtisadi əməkdaşlıq imkanlarının genişləndirilməsi müzakirə edilib.

"Sizinxeber.az" bu barədə İqtisadiyyat Nazirliyinə istinadən xəbər verir.

Məlumata görə, müzakirələr nazir müavini Anar Axundovla Latviyanın kənd təsərrüfatı naziri, Azərbaycan-Latviya Hökumətlərarası Komissiyasının həmsədri Armands Krauze ilə keçirilmiş görüşdə aparılıb.

Görüşdə Azərbaycanla Latviya arasında əlaqələrin genişləndirilməsində qarşılıqlı rəsmi səfərlərin və keçirilən görüşlərin rolu qeyd edilib. Bildirilib ki, iqtisadi-ticarət əlaqələrinin şaxələndirilməsi iqtisadi gündəliyimizin prioritet istiqamətlərindəndəndir və bu sahədə əməkdaşlığın inkişafı üçün müxtəlif mexanizmlər tətbiq edilir. Bu xüsusda Hökumətlərarası Komissiya səmərəli platformadır.

Tərəflər iqtisadiyyatın müxtəlif istiqamətlərində, o cümlədən, aqrar sektorda, su idarəçiliyi və meşəçilik sahəsində əməkdaşlığın genişləndirilməsi imkanlarını nəzərdən keçiriblər.

Oxşar xəbərlər

Nazir müavini: “Azərbaycan Latviya ilə əməkdaşlığa dair bütün təşəbbüsləri dəstəkləyir”

Bakı və Riqa hökumətlərarası komissiyanın iclasının tarixini razılaşdırıb

Azərbaycan və Latviya arasında vergi sahəsində əməkdaşlıq müzakirə edilib

Armands Krauze: Latviya və Azərbaycan kənd təsərrüfatı sahəsində əməkdaşlıq istiqamətlərini müəyyən edib

Azərbaycanla Latviya arasında kənd təsərrüfatı üzrə İşçi Qrupu yaradılacaq