İqtisadiyyat Nazirliyinin tabeliyindəki Kiçik və Orta Biznesin İnkişafı Agentliyi (KOBİA) iyunun 2-4-də Bakıda keçiriləcək 30-cu Yubiley Beynəlxalq Xəzər Neft və Qaz Sərgisində (“Caspian Oil and Gas”) KOB-ların iştirak etməsi üçün ayrıca stend quracaq.

Bu barədə “Sizinxeber.az”a KOBİA-dan məlumat verilib.

Xatırladaq ki, iyunun 2-4-də Bakı Ekspo Mərkəzində 30-cu Yubiley Beynəlxalq Xəzər Neft və Qaz Sərgisi (“Caspian Oil and Gas”) keçiriləcək. Sərgidə neft, qaz və energetika sahəsində fəaliyyət göstərən yerli və beynəlxalq aparıcı şirkətlər bir araya gələcək.

Kiçik və orta biznes subyektlərinin (KOB) neft-qaz sektorunun təchizat zəncirində iştirakının artırılması, bu sahədə əməkdaşlıq imkanlarının genişləndirilməsi və KOB-ların məhsul və xidmətlərinin tanıdılması məqsədilə KOBİA bu il də sərgidə KOB-ların iştirak etməsi üçün ayrıca stend quracaq.

Ödənişsiz əsaslarla sözügedən stenddə məhsul və xidmətlərini təqdim etməkdə maraqlı olan KOB-lar mayın 23-dək müvafiq formanı dolduraraq Agentliyə müraciət edə bilərlər (https://smb.gov.az/az/contact-form/exhibition-form/1).

Qeyd edək ki, müraciət formasında “İştirak etmək istədiyiniz tədbir” bölməsində “Caspian Oil and Gas 2025” qeyd olunmalıdır.

Oxşar xəbərlər

Bakıda keçiriləcək aqrar sərgilərdə KOB-lar üçün xüsusi stend qurulacaq

Bakı növbəti dəfə "TransLogistica Caspian" sərgisinə ev sahibliyi edəcək

KOBİA: 550 sahibkarın məhsul və xidmətlərinin satışına dəstək göstərilib

Bakıda IV "Rebuild Karabakh" sərgisi keçiriləcək