Bu ilin yanvar-fevral aylarında Azərbaycanın qeyri-neft-qaz sektoru üzrə ixracının dəyəri ötən ilin eyni dövrü ilə müqayisədə 6,6 % artaraq 485 milyon ABŞ dolları təşkil edib.

"Report" bu barədə İqtisadi İslahatların Təhlili və Kommunikasiya Mərkəzinə istinadən xəbər verir.

Məlumata görə, o cümlədən son 1 ildə ölkənin yeyinti məhsullarının ixrac dəyəri 12,3 % artaraq 153,9 milyon ABŞ dolları olub.

Hesabat dövründə aqrar məhsullarının ixracının dəyəri 9,5 % artaraq 119,7 milyon ABŞ dolları, aqrar-sənaye məhsullarının ixracının dəyəri 17,7 % artaraq 43 milyon ABŞ dolları olub. Bütövlükdə aqrar və aqrar-sənaye məhsullarının birgə ixracının dəyəri 11,6 % artaraq 162,8 milyon ABŞ dolları təşkil edib.

İl ərzində qara metallar və ondan hazırlanan məmulatların ixrac dəyəri 66,9 %, şəkər və şəkərdən hazırlanan qənnadı məhsullarının ixrac dəyəri 47 %, alkoqollu və alkoqolsuz içkilərin ixrac dəyəri 10,2 %, kimya sənayesi məhsullarının ixrac dəyəri 30 %, çayın ixrac dəyəri 21,3 %, alüminium və ondan hazırlanan məmulatların ixrac dəyəri isə 2,8 % artıb.

Oxşar xəbərlər

Azərbaycan qeyri-neft-qaz ixracını 2 %-ə yaxın artırıb

Azərbaycan qeyri-neft-qaz ixracını 11 %-ə yaxın artırıb

Azərbaycan qeyri-neft-qaz ixracını cüzi artırıb

Azərbaycan qeyri-neft-qaz ixracını 1 %-dən çox artırıb

Azərbaycanın qeyri-neft-qaz ixracı ötən il artıb