Azərbaycanda keçiriləcək COP29 yalnız iqlim gündəliyi üçün deyil, həm də 2030-cu ilə qədər Dayanıqlı İnkişaf Məqsədlərinin həyata keçirilməsində əsas hadisə olacaq.

“Report” xəbər verir ki, bunu BMT-nin Azərbaycandakı rezident əlaqələndiricisi Vladanka Andreyeva Bakıda keçirilən, "Azərbaycanın dayanıqlı inkişafı naminə: Ətraf mühit, Sosial və Korporativ İdarəetmə (ESG) üzrə Vahid platformanın və milli standartın təqdimatı"na həsr olunmuş konfransda bildirib.

V.Andreyevanın sözlərinə görə, Ətraf mühit, Sosial və Korporativ İdarəetmə (ESG) standartları şirkətlərə karbon emissiyalarını azaltmağa kömək edə bilər. O qeyd edib ki, bu standartlar həmçinin davamlı təchizat zəncirlərinə sərmayə yatırmağa, sosial və gender bərabərliyini təşviq etməyə və şəffaflıq məsələlərinin həllinə dəstək göstərməyə imkan yaradır.

“Buna görə də, Azərbaycanda keçiriləcək COP29 konfransı böyük əhəmiyyət daşıyır. Bu tədbir yalnız iqlim gündəliyi deyil, həm də 2030-cu ilədək dayanıqlı inkişaf gündəliyi üçün əsas platforma olacaq. Qarşıdakı bir neçə il iqlim sahəsində cəsarətli addımların atılması baxımından vacibdir. Bu fürsətdən maksimum yararlanmalıyıq”, - deyə o bildirib.

Oxşar xəbərlər

Vüsal Şıxəliyev: "ESG standartları gələcək inkişaf strategiyaları hazırlamağa imkan verəcək"

KOBİA-nın sədri: "Vahid rəqəmsal platforma və milli standartlar biznesləri istiqamətləndirəcək"

Vladanka Andreyeva: BMT COP29-un keçirilməsində Azərbaycana dəstək vermək niyyətindədir

Vladanka Andreyeva: “2050-ci ilə qədər sıfır karbon hədəfinə çatmaq üçün imkan pəncərəsi daralır”

Orxan Məmmədov: "ESG prinsipləri yerli biznes üçün çox əhəmiyyətlidir"