Bu ilin yanvar-iyul aylarında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyindəki Azərbaycan Akkreditasiya Mərkəzi uyğunluğu qiymətləndirən 32 qurumu akkreditasiya edib.

"Report" xəbər verir ki, bunu Dövlət Xidmətinin rəisi Məmməd Abbasbəyli "X" sosial şəbəkəsindəki hesabında bildirib.

Onun sözlərinə görə, bunun 12-si sınaq labaratoriyası, 11-i inspeksiya xidməti göstərən qurum, 5-i sınaq (kalibirləmə) labaratoriyası, 2-si idarəetmə sistemlərinin sertifikatlaşdırılması üçün qurum, 1-i məhsulların, işlərin və xidmətlərin sertifikatlaşdırılması üzrə qurum, 1-i isə işçi heyətinin sertifikatlaşdırılmasını yerinə yerinə yetirən qurumdur.

"Uyğunluğun qiymətləndirilməsi sahəsində akkreditasiya bu xidmətləri təklif edən qurumların akkreditasiya tələblərinə cavab verməsinin şəffaf və qərəzsiz qiymətləndirilməsidir və texniki səriştəliliyi təsdiq edir", - deyə o qeyd edib.

Oxşar xəbərlər

Azərbaycanda Antiinhisar və İstehlak Bazarına Nəzarət Dövlət Agentliyi yaradılıb

Heydər Əliyev adına NEZ-in Mərkəzi Laboratoriyası beynəlxalq akkreditasiyadan keçib

"Formula 1" üzrə Azərbaycan Qran-prisi ilə əlaqədar media akkreditasiya seminarı təşkil olunub