Azərbaycan Metrologiya İnstitutu ADNSU ilə elmi əməkdaşlığa başlayır

Prezident yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Metrologiya İnstitutu ilə Azərbaycan Dövlət Neft və Sənaye Universitetinin (ADNSU) nəzdindəki Elmi-Tədqiqat İnstitutu arasında Anlaşma Memorandumu imzalanıb.

“Sizinxeber.az” bu barədə Agentliyə istinadən xəbər verir.

Sənədə əsasən, tərəflər tədqiqat layihələrinin icrası, elmi konfransların, seminarların və sessiyaların təşkili, beynəlxalq elmi konfranslarda, simpoziumlarda və layihələrdə, o cümlədən qrant layihələrində birgə iştirak, eləcə də patentlərin, elmi nəşrlərin və məqalələrin hazırlanması istiqamətində əməkdaşlıq edəcəklər.