“Formula 1” üzrə Azərbaycan “Qran-pri”: Birinci sərbəst yürüşdə iki qəza olub

Bakıda keçirilən “Formula 1” üzrə Azərbaycan “Qran-pri”sində ardıcıl qəzalar baş verib.

Apasport.az xəbər verir ki, "Ferrari" pilotu Şarl Leklerin idarə etdiyi bolid birinci sərbəst yürüşdə səddə çırpılıb.

Qəza 15-ci döngədə baş verib.

Həmçinin "Uilyams" pilotu Franko Kolapintonun idarə etdiyi bolid də baryerə çırpılıb.

Hər iki qəzadan sonra qırmızı bayraq qaldırılıb və avtomobillər trasdan çıxarılıb.