Avropa Komissiyası (AK) Yaxın Şərqdəki münaqişənin yaratdığı enerji böhranını həll etmək üçün Avropa İttifaqı (Aİ) ölkələrinə büdcə güzəştləri etməyi nəzərdən keçirir.

"Sizinxeber.az"un məlumatına görə, bu barədə "Bloomberg" mənbələrə istinadən xəbər verib.

Mənbələrin məlumatına görə, Avropa Komissiyası hərbi xərclər istisnalarına bənzər mexanizm tətbiq edə bilər ki, bu da üzv dövlətlərə Aİ-nin büdcə intizamını pozmadan enerji tədbirlərinə ÜDM-in təxminən 0,3 %-ni ayırmağa imkan verəcək.

Qeyd olunur ki, hələlik yekun qərarlar verilməyib və mümkün mexanizmin təfərrüatları müzakirə edilir.

Avropa İttifaqının dövlət büdcəsi kəsirlərinin ÜDM-in 3 %-dən çox olmamasını nəzərdə tutan sərt büdcə qaydaları var, əks halda ölkələr sanksiyalarla üzləşəcəklər. Avropa Komissiyası əvvəllər hərbi xərcləri ÜDM-in 1,5 %-nə qədər artırmaq üçün müvəqqəti istisnalara icazə verib.

Eyni zamanda, "Bloomberg"in məlumatına görə, Avropa Komissiyası hazırda Aİ ölkələrinin Rusiya qazını almaqdan imtina etməsində israrlıdır.

Oxşar xəbərlər

Aİ-nin büdcə layihəsinə Ukrayna üçün 100 milyard avro daxil edilib

Aİ enerji böhranına görə büdcə qaydalarını yumşalda bilər

Bloomberg: Avropa İttifaqı ABŞ-la tarif danışıqları üçün güzəştlərin siyahısını hazırlayır

Avropa Komissiyası Çinin elektromobillərin satışı üçün minimum qiymət təklifini rədd edib

Avropa Komissiyası iyunun 17-də Rusiyadan qaz idxalına qadağa tədbirlərini təqdim edə bilər