Hörmüz boğazının bağlanması enerji və gübrə qiymətlərinin kəskin şəkildə artmasına səbəb olub, buna görə də boğazın məhdudiyyətlər olmadan tam şəkildə yenidən açılması lazımdır.

"Report" xəbər verir ki, bu barədə BMT-nin Baş katibi Antonio Quterreş Nayrobidə keçirdiyi mətbuat konfransında bildirib.

"Hörmüz boğazının bağlanması səbəbindən qiymətlərdə kəskin artım müşahidə etdik və buna görə də onun tam və məhdudiyyətsiz açılmasının mütləq vacib olduğuna inanırıq. Hər iki tərəfi buna çağırdıq. Bu, enerji və gübrə qiymətlərini müharibədən əvvəlki səviyyəyə qaytarmağın yeganə yoludur və Keniya kimi ölkələr üçün vacibdir", - deyə Quterreş bildirib.

BMT Baş katibinin sözlərinə görə, gübrə çatışmazlığı səbəbindən bir neçə ölkə artıq ərzaq böhranı riski ilə üzləşir:

"Əkin mövsümü yaxınlaşır və gübrələr olmadan gələn il ciddi ərzaq təhlükəsizliyi problemi ilə üzləşmək riski daşıyırıq. Bu, Hörmüz boğazının məhdudiyyətsiz açılmasının bütün beynəlxalq ictimaiyyətin maraqları üçün vacib olduğu andır".

Oxşar xəbərlər

Naim Qasem: Hörmüz boğazının bağlanması ilə İsrailin Livana hücumları dayandırılıb

Heç vaxt Hörmüz əməliyyatında iştirak etməyəcəyik - Makron

İran parlamenti Hörmüz boğazının bağlanması ilə bağlı qərar qəbul edib

KİV: Hörmüz boğazının bağlanması yeni inflyasiya dalğası yaradır