Ağ Evin Milli İqtisadi Şurasının rəhbəri Kevin Hasset ABŞ Prezidenti Donald Trampı Çinə səfəri zamanı Amerika korporasiya rəhbərlərindən ibarət böyük nümayəndə heyətinin müşayiət edəcəyini açıqlayıb.

"Report"un məlumatına görə, o, bu barədə "Fox News"a müsahibəsində deyib.

"Güman edirəm, Prezidentlə birlikdə olacaq insanların böyük, daha doğrusu, kifayət qədər böyük siyahısını görəcəyik", - Hasset "Boeing" və "Citigroup" şirkətləri rəhbərlərinin səfərdə iştirakı ilə bağlı xəbərləri şərh edərkən bildirib. Lakin o, biznes nümayəndə heyətinin mümkün tərkibini açıqlamayıb.

K.Hasset həmçinin Trampla Çin Sədri Si Cinpin arasındakı münasibətləri güclü və yaxın adlandırıb.

Onun sözlərinə görə, ABŞ liderinin Pekinə səfərinin nəticələrinə əsasən "Amerika işçiləri və firmalar üçün çoxlu xoş xəbər" gözlənilir.

Trampın Çinə səfəri 14-15 maya planlaşdırılıb.

Oxşar xəbərlər

Ağ Ev: Trampla birlikdə Çinə iri biznes nümayəndə heyəti gedəcək

Ağ Ev Hörmüz boğazının açılışından sonra neftin qiymətlərinin enəcəyini gözləyir

Əllidən çox ölkə ABŞ-yə tarif danışıqları üçün müraciət edib

Ağ Ev: ABŞ Aİ ilə ticarət danışıqlarında irəliləyiş əldə edib

Ağ Ev: ABŞ gömrük rüsumları ilə bağlı 10-dan çox təklif alıb