Ukraynanın Müdafiə Qüvvələri Rusiyanın Leninqrad vilayətindəki "Transneft – Primorsk limanı" neft terminalına və Başqırdıstandakı "Başneft-Ufaneftexim" neft emalı zavoduna (NEZ) endirilən zərbələri təsdiqləyib.

"Report" yerli mediaya istinadən xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Bildirilib ki, "Transneft – Primorsk limanı" neft terminalında həm rezervuar parkı, həm də neftdoldurma infrastrukturu vurulub.

"Obyektin ərazisində yanğın olduğu təsdiqlənir", - məlumatda qeyd edilib.

Baş Qərargahdan vurğulanıb ki, "Primorsk" limanından hər il təxminən 60 milyon ton neft keçir:

"Eyni zamanda, "Başneft-Ufaneftexim" neft emalı zavodu vurulub - müəssisənin ərazisində yanğın olduğu təsdiqlənir. "Başneft-Ufaneftexim" NEZ Rusiya Silahlı Qüvvələrinin yanacaq təchizatında mühüm halqadır. Onun ilkin neft emalı gücü ildə təxminən 6-8 milyon ton təşkil edir. NEZ Ukraynanın dövlət sərhədindən xeyli uzaqda, təxminən 1 400 km məsafədə yerləşir".

Oxşar xəbərlər

Volqoqradda neft emalı zavodunda dron hücumundan sonra yanğın baş verib

İranda Abadan neft emalı zavodunda yanğın olub

Ukraynanın Müdafiə Qüvvələri Rusiya Federasiyasının növbəti neft emalı zavodunu vurub

Ukrayna Rusiyanın ən böyük NEZ-lərindən birinə hücum edib

İran İsrailin Hayfa şəhərindəki neft emalı zavoduna hücum edib