Laçının MDB-nin mədəniyyət paytaxtı seçilməsin Azərbaycan üçün mühüm sosial-mədəni əhəmiyyətə malikdir.

“Sizinxeber.az” xəbər verir ki, bu fikirləri mədəniyyət naziri Adil Kərimli Laçında “MDB-nin mədəniyyət paytaxtı – 2025”in açılışında deyib.

Nazir bildirib ki, bu, işğaldan azad edilmiş Azərbaycan ərazilərinin mədəni və iqtisadi dirçəliş prosesində beynəlxalq ictimaiyyətin dəstəyinin və həmrəyliyinin bariz təzahürüdür.

“Otuz illik işğal dövründə Laçında məscidlər, ziyarətgahlar, məbədlər, qədim kurqanlar, qəbiristanlıqlar, eləcə də muzeylər, kitabxanalar, məktəblər dağıdıldı. Yaşayış binaları, müqəddəs yerlər, mədəni dəyərlər xarabalığa çevrilib”.

Adil Kərimli işğaldan azad edildikdən sonra Azərbaycan Prezidenti cənab İlham Əliyevin rəhbərliyi ilə bu ərazilərin bərpası istiqamətində genişmiqyaslı tədbirlərin uğurla həyata keçirildiyinə diqqət çəkib.

“Xüsusilə qeyd etmək istərdim ki, işğaldan azad edilmiş ərazilərin bərpası konsepsiyası təkcə fiziki tikintini, dağılmış infrastrukturun və abidələrin yenidən qurulmasını deyil, həm də mədəni həyatın dirçəldilməsini əhatə edir”.

Nazir Laçın şəhərinə MDB-nin mədəniyyət paytaxtı statusunun verilməsinin böyük simvolik əhəmiyyəti olduğunu vurğulayıb.

“Biz münaqişədən sonrakı yenidənqurma mərhələsində olan şəhərə bu adın verilməsini dəstəkləyən Birlik ölkələrinin xoş niyyətini yüksək qiymətləndiririk. Biz bu seçimdə mədəniyyətin bütün proseslərdə mühüm rolunu dərindən dərk edirik”.

Oxşar xəbərlər

Laçına MDB-nin mədəniyyət paytaxtı sertifikatı təqdim olunub

Adil Kərimli: Davranış mədəniyyətinin formalaşması iqlim məqsədlərinə nail olmağa kömək edir

Adil Kərimli: Azərbaycanla Qırğızıstanın dinamik inkişaf edən münasibətləri tarixi köklərə əsaslanır

Nazir müavini: İşğaldan azad olunmuş ərazilərdə mədəni irsimizin bərpası prosesində Serbiyanın dəstəyindən məmnun olarıq

Adil Kərimli: Mədəniyyət iqlim gündəliyinin formalaşmasında mərkəzi rol oynayır