Ankarada Hacettepe Universitetinin Dövlət Konservatoriyasının Konsert Salonunda Türk Dünyası Dövlət Balet Məktəblərinin beynəlxalq festivalı keçirilib.

“Report”un Ankara bürosunun xəbərinə görə, festivalı çərçivəsində Dünya Rəqs Günü müasir və xalq rəqslərinin bir araya gəldiyi xüsusi gecə ilə qeyd olunub.

Beynəlxalq festivala Azərbaycan, Qazaxıstan, Qırğızıstan, Özbəkistan və Türkiyədən gənc istedadların mədəniyyətlərlə rəqsin qovuşdurduğu tamaşaları nümayiş olunub.

Türk Dünyası və Türkiyədən seçilən konservatoriya və xoreoqrafiya məktəblərinin yer aldığı festivalda Azərbaycanı Bakı Xoreoqrafiya Akademiyasının istedadlı tələbələri təmsil edib.

Qala konsertində Beynəlxalq Türk Mədəniyyəti Təşkilatının (TÜRKSOY) Baş katibi Sultan Raev çıxışı edərək bildirib ki, sənət birləşdirici gücdür və türk dünyasının zəngin mədəni irsi olan balet sənəti bu birləşdircilikdə mühüm rol oynayır.

Qeyd edək ki, türk dünyasının aparıcı balet məktəblərini bir araya gətirən Beynəlxalq Türk Dünyası Dövlət Balet Məktəbləri Ankara Festivalı 28 aprel - 2 may 2025-ci il tarixlərini əhatə edir.

Oxşar xəbərlər

Türk Dünyası Kino Rejissorları Birliyi - TÜRKFİLM yaradılıb

Beynəlxalq Türk Mədəniyyəti və İrsi Fondunun təsis edilməsindən 12 il ötür

Mədəniyyət naziri türk əməkdaşlıq təşkilatlarını II Türk Dünyası Mədəniyyət Forumunda fəal iştiraka çağırıb

Murad Hüseynov Aktauda "Türk dünyasının mədəniyyət paytaxtı-2025”in açılışında iştirak edib

Qarabağ Universitetində Türk Dünyası Elm Mərkəzinin yaradılması təklif olunub