Azərbaycan Mədəniyyəti Günləri çərçivəsində Qırğızıstan Milli İncəsənət Muzeyində Azərbaycan Dövlət Mədəniyyət və İncəsənət Universitetinin prorektoru sənətşünaslıq üzrə fəlsəfə doktoru, dosent Sevil Kərimovanın “İrs inciləri: Azərbaycan orta əsr rəssamlığı” mövzusunda mühazirəsi təşkil olunub.

“Report”un Bişkekə ezam olunmuş əməkdaşı xəbər verir ki, mühazirəni müvafiq sahələr üzrə tələbələr, mədəniyyət işçiləri və tədqiqatçılar dinləyiblər.

Sənətşünas alim Azərbaycan təsviri sənətinin inkişaf mərhələləri və yaradıcılıq istiqamətləri barədə ətraflı məlumat verib. 

Mühazirədə Qobustan və Gəmiqayadakı qayaüstü təsvirlərdən orta əsr miniatür rəssamlığına qədər bu sahənin inkişaf tendensiyaları, müxtəlif regionlar üzrə sənət məktəblərinin formalaşması məsələlərindən bəhs olunub. 

Alim sonda iştirakçıları maraqlandıran sualları ətraflı cavablandırıb.

Oxşar xəbərlər

Xronika: Qərbi Azərbaycanda olan qayaüstü rəsmlər Qobustandakı rəsmlərlə eynilik təşkil edir

Bişkekdə ənənəvi Azərbaycan əl işlərinin sərgisi keçiriləcək

Qərbi Azərbaycan Xronikası: Alban-türk memarlığını fərqləndirən əsas əlamətlər

Qərbi Azərbaycan Xronikası: İrəvanda bədii tikmə və xalçaçılıq sənəti

Orxan Fikrətoğlu mədəniyyət nazirinə müşavir təyin olunub