Məşhur stilist Bakıda pərəstişkarları ilə görüşəcək və moda mövzusunda mühazirə oxuyacaq

Mayın 2-də Bakıda məşhur stilist, bakılı Vladislav Lisovetsin yaradıcılıq gecəsi keçiriləcək.

“Sizinxeber.az” xəbər verir ki, “Üslub - həmişə özün olaraq qal” adlı gecə Bakı Musiqi Akademiyasının opera studiyasında keçiriləcək.

Lisovets moda dünyasındakı müasir tendensiyalara baxışı, üslub və brendlər, həmçinin öz individuallığını və həyat eşqini qorumağın vacibliyi barədə danışacaq.

“30 ildə ilk dəfədir ki, doğma şəhərimə çıxış etmək, sizə moda, trendlər haqqında hər şeyi danışmaq, isti münasibətimi, təcrübəmi sizinlə bölüşmək, sizə maraqlı olan hər şeyi danışmaq və bəli, bütün suallarınızı cavablandırmaq üçün gəlirəm”, - stilist müraciətində bildirib.