Mədəniyyət Nazirliyinin təşəbbüsü və təşkilatçılığı ilə Müslüm Maqomayev adına Azərbaycan Dövlət Akademik Filarmoniyasının “Yay zalı”nda dünyaşöhrətli Azərbaycan bəstəkarı və dirijoru, SSRİ Xalq artisti Niyazinin xatirəsinə həsr olunan konsert keçirilib.

Mədəniyyət Nazirliyindən "Report"a verilən xəbərə görə, tədbiri mədəniyyət nazirinin müavini Murad Hüseynov və nazirlik rəsmiləri ilə yanaşı, mədəni-ictimai xadimlər və digər qonaqlar izləyiblər.

Əvvəlcə sənətşünas Leyla Quliyeva səhnəyə çıxaraq Niyazinin həyat və sənət yolundan söz açıb, onun musiqi mədəniyyətinin inkişafına verdiyi mühüm töhfələrdən danışıb.

Sonra konsert proqramı təqdim olunub. Xalq artisti Yalçın Adıgözəlovun dirijorluğu ilə Niyazi adına Dövlət Simfonik Orkestri və Ü.Hacıbəyli adına Azərbaycan Dövlət Simfonik Orkestrinin müşayiəti ilə Xalq artisti Samir Cəfərov, Əməkdar artist Afaq Abbasova, solistlər Mirələm Mirələmov, Selcan Fermor Hesketh və Güllü Muradova çıxış ediblər.

Proqramda Üzeyir Hacıbəyli, Niyazi, Qara Qarayev, Fikrət Əmirov, Vasif Adıgözəlov və Asəf Zeynallının əsərləri səsləndirilib.

Konsert proqramı tamaşaçılar tərəfindən böyük maraqla qarşılanıb.

Oxşar xəbərlər

Filarmoniyada Maestro Niyazinin doğum günü qeyd olunub

Filarmoniyada Maestro Niyazinin doğum günü qeyd olunub - FOTO

XIV Qəbələ Beynəlxalq Musiqi Festivalı başa çatıb

Muzeyin direktoru: Azərbaycan dirijorluq məktəbinin inkişafı Maestro Niyazinin adı ilə bağlıdır

Filarmoniyada Zəfər Gününə həsr olunan konsert keçirilib - FOTO