“2023-cü ildə emissiyalarımız 1.3% artıb, halbuki aşağı düşməli idi. Bu o deməkdir ki, 2030-cu ilə kimi karbon emissiyalarını 41% azaltmalıyıq, əks halda 1.5 dərəcəni keçəcəyik”.

Sizinxeber.az xəbər verir ki, bunu COP29-da çoxsəviyyəli və çoxsektorlu iqlim fəaliyyəti üzrə yüksək səviyyəli açılışda çıxış edən Birləşmiş Millətlər Təşkilatının Ətraf Mühit Proqramının (UNEP) icraçı direktoru İnger Anderson deyib.

“Şəhərlər iqlim kontekstində əhəmiyyətli bir yük daşıyır. Əslində, yalnız 25 megaşəhər dünya üzrə istixana qazı emissiyalarının 52%-nə görə məsuliyyət daşıyır. Bu o deməkdir ki, evdə gördüyünüz tədbirlər, səmərəlilik standartları, enerji mənbələri, tullantı və metan emissiyaları ilə necə məşğul olmağınız, ictimai nəqliyyatla necə məşğul olmağınız, elektrik mobilliyi təşviq etməyiniz iqlim dəyişikliyi kontekstində şəhərlərin çəkisinə böyük təsir göstərə bilər” - UNEP-in icraçı direktoru qeyd edib.

O əlavə edib ki, şəhərlər də iqlim dəyişikliyinin təsirlərindən zərər çəkir və bu, şəhərlərin götürməli olduğu uyğunlaşma tədbirlərinin şəhər zonalarının, planlaşdırmanın və tikinti standartlarının bir hissəsi olmasını tələb edir: “Təbiət əsaslı həlləri nəzərdən keçirin ki, sadəcə ağac əkərək və parklar yaradaraq şəhərlərinizdə ətraf mühitin qorunmasını təmin edə biləsiniz”.

Oxşar xəbərlər

UNEP icraçı direktoru: Turizm də iqlim dəyişikliyinin qurbanıdır, hərəkətə keçməliyik

Muxtar Babayev: Metan emissiyalarının 20 %-i tullantı sektorunun payına düşür

COP29-da çoxsəviyyəli və çoxsektorlu iqlim fəaliyyəti üzrə yüksək səviyyəli açılış olub - FOTO

BMT-Habitatın icraçı direktoru: Növbəti 20 ildə dünya əhalisi daha 2.4 mlrd. artacaq

BMT-Habitatın icraçı direktoru: Növbəti 20 il ərzində dünya əhalisi daha 2.4 mlrd. artacaq