İqlim dəyişikliyi artıq buradadır, dünyanın üzləşdiyi daha isti yay və soyuq qış bu iqlim problemlərini həll etmək üçün ən az potensiala malik olan həssas ölkələri daha çox itkilərlə üz-üzə qoyur.

“Report” xəbər verir ki, bunu Samoanın təbii sərvətlər və ətraf mühit naziri Toeolesulusulu Sedrik Şuster COP29 çərçivəsində keçirilən yüksək səviyyəli iclasda Kiçik Ada Dövlətləri Alyansı adından çıxışı zamanı bildirib.

Onun sözlərinə görə, COP29 təsirlərin yumşaldılması istiqamətində əhəmiyyətli nəticəni təmin etməlidir ki, bu da inkişaf etməkdə olan ölkələrə keçən il BƏƏ konsensusu çərçivəsində əldə edilmiş razılaşmanı irəli aparmağa imkan verəcək. Bu isə 1.5 dərəcə hədəfinə nail olmaq və planetin təhlükəsizliyi və rifahını təmin etmək üçün son dərəcə vacibdir. Yeni yaradılmış İtki və Zərər Fondu fəaliyyətə başlamalıdır.

Nazir həmçinin Azərbaycan hökumətinə səmimi qonaqpərvərliyə və konfransın yüksək səviyyədə təşkilinə görə təşəkkür edib.

Oxşar xəbərlər

Kiçik ada dövlətləri və ən az inkişaf etmiş ölkələr iqlim maliyyələşməsinin artırılmasını tələb edir

Samoanın BMT yanında daimi nümayəndəsi: COP29 planetin gələcəyini xilas etmək üçün bir şansdır

Nazir: İtki və Zərərə Cavab Fondu ölkələrə kömək üçün əsas vasitə olacaq

Nigar Arpadarai: İqlim məqsədlərinə nail olmaq üçün özəl sektorun fəal iştirakı vacibdir

Tailand COP29-da ədalətli enerji keçidini, İtki və Zərər Fondunun fəaliyyətini dəstəkləyəcək