İqlim dəyişiklikləri fonunda "yaşıl enerji" - günəş, külək və su enerjisinin istehsalı önəmlidir. Azərbaycanın bu sahədəki təşəbbüsü təqdirəlayiqdir və alqışlanmalıdır.

Bu sözləri “Report”un Gürcüstan bürosuna açıqlamasında Belarusun Tbilisidəki səfiri Anatoliy Lis bildirib.

Onun sözlərinə görə, COP29-un Azərbaycanda keçirilməsi Prezident İlham Əliyevin xidmətlərinin nəticəsidir və bu, iqlim dəyişikliyi məsələsinin dünya üçün nə qədər vacib olduğunu göstərir:

"Hələ də bəziləri bu problemin ciddiliyini başa düşmür, lakin bu gün tufanlar və zəlzələlər yüzminlərlə insanın həyatına son qoyur. Bu, qlobal istiləşmə ilə birbaşa əlaqədar olan məsələlərdir. Buna ciddi nəzarət etmək vacibdir. Ciddi yanaşsaq və iqlim dəyişikliyinə daha çox təsir edən ölkələrin iştirakı ilə hərəkət etsək, problemi daha sürətlə həll edə bilərik. İstehsalatı artıran və tullantıları təbiətə atan ölkələr bu məsələdə daha aktiv olmalıdır”.

Səfir Belarusda təbiəti qorumaq üçün böyük işlər görüldüyünü qeyd edib.

“Bizdə atom elektrik stansiyası var. Əvvəllər müəyyən maddələrdən istifadə edirdik, amma hələ də qoruqlarımız var və təbiəti qoruyub saxlamağı bacarmışıq. Avropada isə bu cür yerlər çox az qalıb. Ərazilərimizin 40 faizi meşələrlə örtülüb. Bu təcrübəni digər ölkələrlə də bölüşə bilərik”, - Anatoliy Lis deyib.

Oxşar xəbərlər

Ole Toft: “Yaşıl” keçid iqlim dəyişikliyi problemini həll etmək üçün şərt oldu

İlham Əliyev: Azərbaycan iqlim dəyişmələri ilə mübarizəyə töhfələr verə biləcəyi ilə bağlı bir nümunə göstərir

Səfir: Azərbaycan iqlim dəyişikliyi ilə mübarizədə beynəlxalq ictimaiyyəti birləşdirmək niyyətindədir

Prezident: COP29-un gələn il Azərbaycanda keçirilməsi bizim yaşıl enerjiyə keçidimizə olan böyük qiymətdir

Ramiz Rzayev: İqlim dəyişikliyi dünyamız üçün ciddi bir sınaqdır