Amerikalılar Yaxın Şərqdəki münaqişə ilə əlaqədar benzin qiymətlərinin artması səbəbindən elektromobillərə keçməyi düşünürlər.

Far.Az xəbər verir ki, bu barədə “Blumberq” məlumat yayb.

Məlumata görə, 14 martda ABŞ-da yanacaqdoldurma məntəqələrində benzinin orta qiyməti bir qallon (3,8 litr) üçün 3,70 dollar təşkil edib ki, bu da bir ay öncə ilə müqayisədə (2,90 dollar) 90 sent bahadır. Amerikalı sürücülər təkcə bu həftə benzin üçün 1,65 milyard dollar daha çox pul ödəyiblər.

Nəşr qeyd edir ki, benzinin qiymətinin artması elektromobillərə marağı yenidən artırıb. Hətta İrana qarşı hərbi əməliyyatın başlanmasından sonrakı ilk həftədə elektromobillərlə bağlı axtarışlar 20% artıb.

Mütəxəssislər bildirir ki, ölkə üzrə benzinin orta qiyməti bir qallon üçün 4 dollara çatdıqda elektrikli nəqliyyat növünə kütləvi keçid başlayacaq.

Oxşar xəbərlər

Benzinin qiymət artımı amerikalıları elektromobillərlə daha çox maraqlanmağa məcbur edir

Azərbaycanda “Aİ-95” markalı benzinin qiyməti dövlət tərəfindən tənzimlənəcək

Rusiyada benzinin ixracına qoyulan qadağa uzadılıb

Aİ-95 markalı benzinin qiyməti dövlət tərəfindən tənzimlənəcək