Belarus və Azərbaycanı zamanın sınağından çıxmış dostluq münasibətləri birləşdirir.

"Sizinxeber.az"un Minskə ezam olunmuş əməkdaşı xəbər verir ki, bunu Belarusun Baş nazirinin müavini Natalya Petkeviç Belarus-Azərbaycan biznes forumunda bildirib.

"Belarus və Azərbaycanı həmişə sadəcə sıx ticari-iqtisadi və ya siyasi münasibətlər deyil, həqiqətən də zamanın sınağından çıxmış dostluq münasibətləri birləşdirib", - N.Petkeviç qeyd edib.

O vurğulayıb ki, ölkələr arasındakı münasibətlər zamanın sınağından çıxıb və ən əlverişli şəkildə formalaşır.

N.Petkeviç qeyd edib ki, iqtisadi göstəricilər də qarşılıqlı münasibətlərin möhkəmləndirilməsinə dair potensialı nümayiş etdirir: "Dövlət başçılarımızın qarşımıza ticarət dövriyyəmizi bir milyard dollara çatdırmaq kimi iddialı bir vəzifə qoyması o deməkdir ki, bizim potensialımız var. Lakin hələ görüləcək işlərimiz çoxdur".

O vurğulayıb ki, Bakı və Minsk artıq indidən müxtəlif aspektləri əhatə edən dövlətlərarası əməkdaşlıqla qürur duya bilər:

"Biz hökumət səviyyəsindəki həmkarlarımızla və azərbaycanlı həmkarım Samir Şərifovla əlaqələrimizin möhkəmləndirilməsi üçün əsas götürdüyümüz istiqamətlər, yəni birgə müəssisələrin yaradılması, sənaye əməkdaşlığı barədə bir çox müzakilər aparmışıq".

Oxşar xəbərlər

Aleksandr Turçin: Belarus və Azərbaycan arasında strateji tərəfdaşlıq mövcuddur

Belarusun Baş naziri: Azərbaycanla bizi strateji tərəfdaşlıq birləşdirir

Sahibə Qafarova: Azərbaycan-Belarus münasibətləri bütün istiqamətlər üzrə sürətlə inkişaf edir

Şahin Mustafayev: Azad edilmiş ərazilərdə Belarus ilə birgə layihələrin həyata keçirilməsi məsələsi gündəmdədir

Natalya Koçanova: Belarus APA-ya müşahidəçi kimi qəbulu üçün dəstək gözləyir