"Haber Global" Azərbaycanın Türk Dövlətləri Təşkilatındakı (TDT) rolu ilə bağlı süjet hazırlayıb.

"Sizinxeber.az" xəbər verir ki, videomaterialda Azərbaycan Prezidenti İlham Əliyevin təşkilatla bağlı fikirlərinə yer verilib.

"Türk dünyası bizim ailəmizdir, bizim başqa ailəmiz yoxdur. Bu ailəni gələcəyə aparmaq üçün birgə səylər önəmlidir", -deyə Azərbaycan lideri videomaterialda qeyd edib.

Süjetdə həmçinin vurğulanıb ki, Azərbaycan ilk dəfə olaraq TDT dövlət başçılarının qeyri-rəsmi görüşünü Şuşada təşkil edib:

"Görüşün işğaldan azad olunmuş Şuşada keçirilməsi TDT ölkələrinin həmrəyliyinin simvolu oldu. Azərbaycanın Cənubi Qafqazda yaratdığı geosiyasi reallıqdan sonra bölgə üzrə əməkdaşlığın yeni mərhələsi təsdiqləndi".

Eyni zamanda, ötən ilin oktyabrında Qəbələdə Türk Dövlətləri Təşkilatının Dövlət Başçıları Şurasının 12-ci Zirvə Görüşünün əhəmiyyətinə də diqqət çəkilib.

Qeyd edək ki, mayın 15-də Qazaxıstanın ev sahibliyi ilə Türküstanda Türk Dövlətləri Təşkilatının (TDT) Dövlət Başçıları Şurasının "Süni intellekt və rəqəmsal inkişaf" mövzusunda qeyri-rəsmi zirvə görüşü keçiriləcək.

"Haber Global" Azərbaycanın TDT-dəki rolu ilə bağlı süjet hazırlayıb

Oxşar xəbərlər

"Haber Global" Laçında keçirilən ECO Qadınlar Forumu ilə bağlı süjet hazırlayıb

Qazaxıstanda TDT Dövlət Başçıları Şurasının qeyri-rəsmi zirvə görüşü keçiriləcək

“Haber Global” Azərbaycan və Türkiyənin liderliyi sayəsində yaradılan TÜREK-lə bağlı reportaj hazırlayıb

“Haber Global” Azərbaycan Prezidentinin COP29-un Liderlər Sammitindəki çıxışına dair süjet hazırlayıb

“Haber Global” Azərbaycandakı parlament seçkilərilə bağlı süjet hazırlayıb