İran ABŞ-nin Tehranın nüvə proqramı ətrafında yaranmış vəziyyəti həll etmək təklifinə yaxın günlərdə cavab verəcək.

"Sizinxeber.az"un “Tasnim” agentliyinə istinadən xəbərinə görə, bu barədə İslam Respublikasının Atom Enerjisi Təşkilatının nümayəndəsi Behruz Kamalvəndi məlumat verib.

"İranın ABŞ-nin yazılı təklifinə cavabı demək olar, hazırdır və yaxın günlərdə təqdim olunacaq", - o deyib.

İyunun 1-də Ağ Evin mətbuat katibi Kerolayn Livitt bildirib ki, ABŞ Prezidentinin elçisi Stiven Uitkoff İran hakimiyyətinə Tehranın nüvə proqramı ilə bağlı "ətraflı və məqbul təklif" göndərib. “Axios” portalının məlumatına görə, təklif İranın daha sonra müəyyən olunacaq müddət ərzində uranı aşağı səviyyəyə qədər zənginləşdirməyə davam edə biləcəyini nəzərdə tutur. İyunun 7-də ABŞ Prezidenti Donald Tramp bildirib ki, İran uranı zənginləşdirməməlidir, əks halda Tehran Vaşinqtonun fəsadları ilə üzləşəcək.

Oxşar xəbərlər

İran ABŞ-ın nüvə sazişi ilə bağlı təklifinə yaxın günlərdə cavab verəcək

İran ABŞ-nin nüvə proqramı ilə bağlı təklifinə mənfi cavab hazırlayır

Tramp İranın nüvə sazişi təklifini qəbul edəcəyinə ümid bəsləyir

İran XİN: ABŞ sanksiyaların ləğvi ilə bağlı zəmanət verməyib

İran, Misir və BAEA nümayəndələri Qahirədə İranın nüvə proqramını müzakirə edib