Gürcüstan parlamenti İnzibati Xətalar Məcəlləsinə etiraz aksiyalarında pozuntulara görə cərimələrin dəfələrlə artırılmasını nəzərdə tutan dəyişiklikləri birinci oxunuşda qəbul edib.

“Sizinxeber.az” xəbər verir ki, bu barədə Gürcüstan KİV-ləri məlumat yayıb.

Xüsusilə, dəyişikliklərə əsasən, təkcə "Yığıncaqlar və nümayişlər haqqında" qanunun pozulması maddəsi üzrə deyil, həm də etiraz aksiyalarında ən çox rast gəlinən pozuntulara görə cərimələr artırılır.

İctimai yerlərdə söyüş söymə, vətəndaşlara qarşı təhqiramiz münasibət və ictimai qaydanı pozan digər hərəkətlərə görə cərimənin məbləği 1000 larindən 3 min lariyə qədər artırılacaq. Bu əmələ görə inzibati həbs müddəti isə 15 gündən 20 günə qədər artırılacaq. Belə hərəkətin təkrar törədilməsinə görə cərimə iki dəfə artırılaraq 3-5 min lari təşkil edəcək, maksimal inzibati həbs müddəti isə 15 gündən 60 günə qədər artırılacaq.

Hüquq-mühafizə orqanları nümayəndələrinin tələblərinə tabe olmamağa görə cərimə 3 mindən 5 min lariyə qədər artırılacaq, bu əmələ görə maksimum inzibati həbs müddəti isə 15 gündən 60 günə qədər artırılacaq.

Yığıncaq və ya nümayişlərin keçirilməsi qaydalarının pozulmasına görə cərimə iştirakçılar üçün dörd dəfə artırılaraq 500 laridən 2 min lariyə qədər olacaq, təşkilatçılar üçün isə 5 min lari məbləğində qalacaq.

Məhkəmə binasına girişin bloklanması və ya binada aksiya keçirilməsinə görə 5 min lari məbləğində cərimə və ya 60 günədək həbs tətbiq ediləcək.

Konstitusiya quruluşunun devrilməsinə və ya zorakı yolla dəyişdirilməsinə, nifaq salınmasına çağırışlara, qanunla qadağan edilmiş əşyalara görə cərimə iştirakçılar üçün 5 min lari, təşkilatçılar üçün isə 15 min lari təşkil edəcək.

Oxşar xəbərlər

Gürcüstanda etiraz aksiyalarında zorakılığa görə 9 nəfərə ittiham irəli sürüb

Milli Məclis sürücülük vəsiqəsi olmadan avtomobil idarə edilməsinə görə cərimənin iki dəfə artırılmasını təsdiqləyib

MM məişət tullantılarının kənara atılmasına görə cərimələrin artırılmasını təsdiqləyib

Gürcüstanda dövlət rəsmilərini təhqir edənlər 45 günədək həbs oluna bilərlər

Tbilisidəki etiraz aksiyalarında Gürcüstan DİN-in 143 əməkdaşı xəsarət alıb