Rusiyanın Sankt-Peterburq şəhərində biri polis maşını olmaqla üç avtomobilin iştirakı ilə yol-nəqliyyat hadisəsi baş verib.

“Report” TASS-a istinadən xəbər verir ki, bu barədə Daxili İşlər Nazirliyinin Sankt-Peterburq şəhəri və Leninqrad vilayəti üzrə Baş İdarəsinin mətbuat xidməti məlumat yayıb.

"Bu gün saat 08:41-də baş vermiş qəza nəticəsində xəsarət alanlar var", - mətbuat xidməti bildirib.

Hüquq-mühafizə orqanlarından TASS-a verilən məlumata görə, yol-nəqliyyat hadisəsi nəticəsində bir nəfər ölüb, beş nəfər xəsarət alıb.

Qəzanın təfərrüatları araşdırılır. Sankt-Peterburq Prokurorluğunun “Telegram” kanalında qeyd olunduğu kimi, hüquq-mühafizə orqanları tərəfindən yol-nəqliyyat hadisəsi ilə bağlı aparılan prosessual yoxlamanın gedişatı və nəticələri nəzarətdə saxlanılır.

Oxşar xəbərlər

Sankt-Peterburqda yol qəzası nəticəsində 25 nəfər xəsarət alıb

Sankt-Peterburq rəhbərliyi İrəvanda abidənin təhqir olunmasını pisləyib

Sankt-Peterburq - Antalya aviareysi təyyarədə yaranan texniki nasazlıq səbəbindən gecikib

Prezident İlham Əliyevin Sankt-Peterburq şəhərinə işgüzar səfəri başa çatıb

Rusiyada qatarların toqquşması nəticəsində 31 nəfər xəsarət alıb