Hər bir vətəndaş sakit şəraitdə öz fikrini ifadə edə bilər, lakin heç kimə ölkədə inqilab etməyə icazə verilməyəcək.

“Report” xəbər verir ki, bunu hakim "Gürcü arzusu - Demokratik Gürcüstan" partiyasının baş katibi, Tbilisi meri Kaxa Kaladze jurnalistlərə açıqlamasında deyib.

“Hər bir şəxs sakit şəraitdə öz fikrini ifadə edə bilər, lakin zorakılığa keçəndə ölkədə inqilab, çevriliş etmək istəyi yaranır, dostlar, bu baş tutmayacaq", - o bildirib.

Kaladzenin sözlərinə görə, 2024-cü il oktyabrın 26-da Gürcüstanda keçirilən parlament seçkilərində "Gürcü arzusu" qalib gəlib. O, müxalifəti məğlubiyyətlə barışmağa çağırıb.

"Dövlətçilik var və inqilab baş tutmayacaq. Seçkilər var və hakimiyyət onların vasitəsilə dəyişir. Siz seçkilərdə məğlub oldunuz. Sizi gürcü xalqı məğlub etdi. 1 milyon 200 min insan sülhü dəstəkləyib və faşizmə yox deyib", - Tbilisi meri əlavə edib.

Siyasətçi müxalifətə xatırladıb ki, onların nümayəndələri də Gürcüstanın vətəndaşlarıdır və ölkə qanunlarına əməl etməlidirlər.

Oxşar xəbərlər

Kaxa Kaladze Gürcüstan müxalifətinə xəbərdarlıq edib

"Gürcü Arzusu": Müxalifət məntəqələrdə gərginlik yaratmağa çalışacaq, buna hazırıq

Tbilisi meri: Gürcü xalqı ilə həyasızcasına rəftar edənlərin hamısı düşməndir

Kaxa Kaladze: Saakaşvili həbsxanadan çıxa bilməyəcək