Rusiyanın "Sibir" aviaşirkətinin “Airbus 321A” təyyarəsi bu gün səhər Moskvadan Norilskə (Krasnoyarsk diyarı) gəldikdən və hava limanında eniş etdikdən sonra dönərkən uçuş-enmə zolağından kənara çıxıb.

“Sizinxeber.az” "İnterfaks"a istinadən xəbər verir ki, bu barədə Qərbi Sibir Nəqliyyat Prokurorluğu məlumat yayıb.

"İlkin məlumata görə, bu gün saat 08:00 radələrində "Sibir" aviaşirkətinin Moskvadan uçuş həyata keçirən “Airbus 321A” təyyarəsi N.N.Urvantsev adına Norilsk beynəlxalq hava limanında eniş başa çatdıqdan sonra dönərkən uçuş-enmə zolağından kənara çıxıb", - məlumatda bildirilib.

Qeyd olunub ki, təyyarədə 79 sərnişin olub, hava gəmisi müvəqqəti olaraq uçuşlardan kənarlaşdırılıb.

Moskvaya reysin yerinə yetirilməsi üçün ehtiyat təyyarə ayrılıb, uçuş saat 15:30-a planlaşdırılıb.

Oxşar xəbərlər

ABŞ-də hava limanında iki təyyarə toqquşub

Cənubi Koreyada təyyarə qəzasında ölənlərin sayı 176-ya çatıb, üç nəfər itkin düşüb - YENİLƏNİB-5

Cənubi Koreyada təyyarə qəzasında ölənlərin sayı 167-yə çatıb - YENİLƏNİB - 3

Cənubi Koreyada baş verən təyyarə qəzasında 174 nəfərin öldüyü təsdiqlənib - YENİLƏNİB - 4

Cənubi Koreyada bütün “Boeing 737-800”lər yoxlanılacaq