Ermənistanın Mərakeşdəki hərbi nümayəndə heyəti beynəlxalq missiyalar çərçivəsində NATO qüvvələri ilə uyğunluq səviyyəsinin qiymətləndirilməsi üzrə tədbirdə iştirak edib.

Bu barədə “Report” Ermənistan KİV-ə istinadən xəbər verir.

Ermənistan Müdafiə Nazirliyindən verilən məlumata görə, ölkənin silahlı qüvvələrinin baş qərargah rəisinin müavini, general-mayor Artur Yeroyanın rəhbərlik etdiyi nümayəndə heyəti oktyabrın 13-17-də Kasablankada NATO-nun Əməliyyat Potensialı Konsepsiyasının illik konfransında iştirak edib. Tədbir çərçivəsində NATO-nun tərəfdaş ölkələrinin bölmələri beynəlxalq missiyalarda NATO qüvvələri ilə uyğunluq səviyyəsinin qiymətləndirilməsindən keçiblər.

Səfər çərçivəsində Yeroyan həmçinin Müttəfiq Qüvvələrin Avropadakı Ali Komandanlığının Baş Qərargah rəisinin müavini, vitse-admiral Qunşteyn Bruasdal (Norveç), NATO-nun Avropadakı Birləşmiş Silahlı Qüvvələrinin Ali Komandanlığının Hərbi Əməkdaşlıq Xidmətinin rəhbəri, Baş Qərargah rəisinin müavini, briqada generalı Martin Remesi (Slovakiya) ilə görüşlər keçirib.

“Əməkdaşlıqla bağlı məsələlər, o cümlədən uyğunluğun qiymətləndirilməsinin növbəti mərhələsi ilə bağlı məsələlər müzakirə edilib”, - nazirlikdən vurğulanıb.

Oxşar xəbərlər

NATO-nun Baş Qərargah rəisləri Praqada görüşəcək [xfgiven_updateblue][/xfgiven_updateblue]

General: NATO Rusiya ilə müharibə istəmir [xfgiven_updateblue][/xfgiven_updateblue]

ABŞ generalı: Rusiya uzun illər NATO üçün problem olaraq qalacaq [xfgiven_updateblue][/xfgiven_updateblue]

KİV: Finlandiya NATO-nun nüvə çəkindirməsi təlimlərində iştirak edə bilər [xfgiven_updateblue][/xfgiven_updateblue]

Azərbaycanda humanitar minatəmizləmə fəaliyyətinə NATO-nun dəstəyi müzakirə edilib [xfgiven_updateblue][/xfgiven_updateblue]