Beynəlxalq Atom Enerjisi Agentliyinin (BAEA) rəhbəri Rafael Qrossi Kursk Atom Elektrik Stansiyasında (AES) nüvə insidentinin baş verməsi təhlükəsinin olduğunu bildirib.

"Sizinxeber.az" Rusiya KİV-ə istinadən xəbər verir ki, bunu o, Rusiyanın Kurçatov şəhərinə səfəri zamanı deyib.

R.Qrossi bildirib ki, o, rusiyalı ekspertlərlə birlikdə nüvə insidentinin qarşısının alınmasının yollarını təhlil edəcək: “Bu gün mənə Kursk Atom Zavodunun ərazisinə və obyektlərinə bir neçə dron zərbəsi barədə məlumat verilib. Stansiyada olarkən bu zərbələrin izlərini gördüm”.

O qeyd edib ki, Ukrayna Prezidenti Volodimir Zelenski ilə Zaporojye AES-dəki vəziyyəti və BAEA-nın Ukraynadakı mövcudluğunun genişləndirilməsi məsələsini müzakirə edəcək.

Oxşar xəbərlər

BAEA rəhbəri Kursk AES-dəki vəziyyəti qiymətləndirmək üçün bölgəyə səfər edib

Rafael Qrossi Kursk AES-ə baxış keçirib, nüvə təhlükəsi olduğunu bildirib - YENİLƏNİB

Rafael Qrossi Kursk AES-ə baxış keçirmək üçün Kurçatov şəhərinə gedib

AEBA-nın rəhbəri Kursk Atom Elektrik Stansiyasına getmək niyyətindədir