İyunun 21-dən 27-dək Azərbaycandan Qanaya biznes missiyanın təşkili planlaşdırılıb.

Bu barədə "Report" AFAZ-a (Afrika-Azərbaycan Əməkdaşlıq Təşkilatı) istinadən xəbər verir.

Missiya çərçivəsində Türkiyə-Azərbaycan-Qana biznes forumu, B2B və B2G formatında görüşlər keçiriləcək. Bundan başqa, müəssisələrin fəaliyyəti ilə tanışlıq da nəzərdə tutulur.

Azərbaycan Dövlət Gömrük Komitəsinin məlumatlarına görə, bu ilin yanvar-aprel aylarında Azərbaycanla Türkiyə arasında ticarət dövriyyəsi illik müqayisədə 5,24 %, yəni 102,165 milyon ABŞ dolları azalaraq 1,847 milyard ABŞ dolları təşkil edib.

Öz növbəsində, hesabat dövründə Azərbaycanla Qana arasında ticarət dövriyyəsi 97 % və ya 278,56 min ABŞ dolları azalaraq 5,81 min ABŞ dollarına bərabər olub.

Türkiyə İxracatçılar Şurasının məlumatına görə, yanvar-aprel aylarında ölkənin Qanaya ixracı il ərzində 2,1 % azalaraq 138,576 min ABŞ dolları təşkil edib.

Oxşar xəbərlər

Bu il ikinci Azərbaycan-İran biznes forumu da Bakıda keçiriləcək

Gürcüstanın Azərbaycanla ticarət dövriyyəsi 1 milyard ABŞ dollarını ötüb

Bakıda Azərbaycan-Sloveniya İqtisadi əməkdaşlıq üzrə işçi qrupunun I iclası keçiriləcək

Azərbaycan Aİ ölkələri ilə ticarət dövriyyəsini 28 %-ə yaxın artırıb

Son 30 ildə Azərbaycan və Türkiyənin qarşılıqlı investisiya qoyuluşlarının həcmi açıqlanıb