Çin "Shanghai Spacesail Technologies" şirkətinin "SpaceSail" qütb orbitli rabitə peyklərinin doqquzuncu qrupunu uğurla buraxıb.

"Report" xəbər verir ki, bu barədə "Xinhua" agentliyi məlumat yayıb.

Qeyd olunur ki, 18 internet peykinin buraxılışı bazar günü gecəyə doğru Vençan kosmodromunun (cənubdakı Xaynan əyaləti) kommersiya meydançasından CZ-8 ("Çançjen-8") daşıyıcı raketi vasitəsilə həyata keçirilib.

Başlığının diametri 4 metr olan yeni nəsil maye yanacaqlı üçpilləli CZ-8 raketinin uzunluğu 50 metrə çatır. O, aşağı Yer orbitinə 7,6 tona qədər (keçid geostasionar orbitə - 2,5 tona qədər) faydalı yük çıxarmaq qabiliyyətinə malikdir.

Bu, genişzolaqlı internet bağlantısı xidmətləri göstərmək üçün nəzərdə tutulan "Spacesail Constellation" orbital qrupunun tərkibinə daxil olan artıq doqquzuncu aparat qrupudur. İndi orbitdə 162 belə peyk var.

Oxşar xəbərlər

“SpaceX” şirkətinin raketi “Starlink” internet peyklərinin yeni qrupunu orbitə çıxarıb

Çin "Uzun Yürüş-6" raketi ilə yeni peyk qrupunu orbitə buraxdı

Çin 18 qütb orbitli rabitə peykini uğurla işə salıb

Çin raketi eksperimental rabitə peykini orbitə çıxarıb

Çin peyk interneti üçün peyklər qrupunu orbitə çıxarıb