Rusiya Federasiyasının cənub bölgələrinin hava limanları, pilotsuz uçuş aparatlarının (PUA) "Cənubi Rusiyanın Aeronaviqasiyası" binasına düşməsindən sonra mayın 12-dək bağlı olacaq.

"Report" xəbər verir ki, bu barədə Rusiya KİV-ləri "Rosaviasiya"nın bəyanatına istinadən xəbər verir.

Qurumda eyni zamanda qeyd ediblər ki, müvafiq sərəncam daha tez ləğv edilə bilər.

"Rosaviasiyanın əvvəllər buraxdığı cənub hava limanlarına uçuşların mayın 12-dək dayandırılması barədə sənəd (NOTAM) müddətin qısaldılması istiqamətində yenidən nəzərdən keçirilə bilər" - bəyanatda qeyd olunub.

10:24

Ukrayna Silahlı Qüvvələrinin pilotsuz uçuş aparatının (PUA) "Aeronaviqasiya"nın inzibati binasına düşməsi səbəbindən Rusiyanın cənubundakı 13 hava limanının fəaliyyəti dayandırılıb.

"Report" xəbər verir ki, bu barədə Rusiya KİV-ləri RF Nəqliyyat Nazirliyinin mətbuat xidmətinə istinadən məlumat yayıb.

"Rusiyanın cənubunda hava hərəkətini idarə edən Rostovdakı regional mərkəzin fəaliyyəti Ukrayna PUA-larının "Cənubi Rusiyanın Aeronaviqasiyası" filialının inzibati binasına düşməsi səbəbindən müvəqqəti olaraq tənzimlənib", - məlumatda deyilir.

Məlumata görə, "Cənubi Rusiyanın Aeronaviqasiyası" filialının heyəti təhlükəsiz yerdədir. Hazırda avadanlığın işləmə qabiliyyətinin təhlili aparılır.

Oxşar xəbərlər

Rusiyada 13 hava limanının işi PUA hücumu səbəbindən dayandırılıb

Rusiyada bu binaya hücum edildi, 13 hava limanı bağlandı

Rusiyanın bir sıra hava limanlarında uçuş məhdudiyyətləri ləğv edilib - YENİLƏNİB

Rusiyanın bir sıra hava limanları fəaliyyətlərini dayandırıb

Rusiyanın üç hava limanı fəaliyyətini dayandırıb